Chow's profile☆★☆聾貓載使☆★☆PhotosBlogListsMore  |  Tools Help |
|
June 24 決定花球款式揀o左好耐...呀!!唔係...係拖o左好耐先o岩...
終於決定用蕙蘭因為人地話"襟"o的同我都覺得靚囉
而顏色方面我鍾意白色因為襯婚紗靚o的
再加粉紅蕙蘭+長拖尾絲帶
(拖尾花球會顯我我修長o的, 又係聽人講o既)
 白色為主清得黎帶粉紅才以喜事...(好似下面張相咁)
另外真係非常感謝天使姐姐咁樂意幫我依個魔鬼仔
原來天使同魔鬼可以好好架...哈哈哈..
天使姐姐搵佢姨姨幫我做花球
因為睇過佢o既傑作好靚好專業
又係識得o既我放心好多...
因為聽人講今年好多人結婚
好多花店都好馬虎or遲到
所以好開心天使姐姐肯幫我
仲介紹我做襟花o既花店
睇o左個網都覺得ok
而家落實天使o既姨姨 --> 一個靚靚圓形長絲帶拖尾花球+5個主家襟花
另外在北角花店order ---> 25個普通襟花
好o野  又煩小一樣o野喇June 22 又.....向澳門出發個半月前奇宏放棄澳門o既工作
回歸香港o既大公司工作...好開心呀....
意謂可以有大把時間攪結婚o既事啦...
點知...個半月後o既上星期佢舊老闆用利誘既方法搵奇宏番去...
奇宏終於食番依條好草啦...
正所謂 : 好馬不吃回頭草
好草不怕回頭吃
希望佢決定係岩啦....
(雖然有o的唔想你去澳門)但我都會支持你架...
你就 ~ 努力!! 努力!! 搵多o的錢錢!! 哈哈哈!!
 我就 ~ 努力!! 努力!! 減多o的磅數!! 哈哈哈!!
 June 21 又一個月喇...!!在4月尾開始我o既減肥計劃
在5月尾一個月減o左4磅係一個好開始
係5月尾搵到Q小姐幫手佢幫我計算脂肪比例
佢話我身高同各樣比例正常體重係120磅左右
如果想瘦o的可以減到115左右啦...
同埋我係超勁水腫形加脂肪所以一定要介澱粉質喎
又教o左我一o的減肥o既小方法....
Q小姐減肥餐單:-
(1) 早餐 : 焗蛋只食蛋白一隻 / 燕麥+豆漿 / 香焦一隻 (不能食澱粉質食物)
(2) 午餐 : 食咩都得...如普通飯盒
(3) 下午茶 : 生果 / 沙律 / 白肉 (不能食澱粉質食物)
(4) 晚餐 : 只可食菜, 白肉, 湯 (不能食澱粉質食物)
全日飯品可選 : 豆漿 / 鮮檸檬水 / 西東汁走糖 / 位元堂減肥茶+5柸暖水 (慢慢飲)
每晚食飽飯半小時後 : 小運動 右腳慢慢前後搖動30下要收腹 左腳同樣咁做30下
每晚臨訓前 : 訓係床上將雙腳向上成90度角停5分鐘才訓覺
每晚 : 一點前要訓覺
P.S. : 每日只可以有一餐澱粉質食物
以上係Q小姐要我每天照做的...但係...某原因...唉...佢幫唔到我喇
唯有靠自己啦....佢叫我做既我做到8成啦...hehee...
再加埋參加康體o既瑜珈班希望work啦...
到今日為止我減o左二個月啦....依二個月我一共減o左7磅
希望每個月都可以減到4磅
咁到時到我o既big day應該會好fit啦...哈哈哈...
我要努力呀..
講個秘密比大家知...係我減肥o既時候
奇宏佢不知不覺間肥o左呀...哈哈哈...
等佢成日笑我肥丫喇...
|
|
|
